O 25 de setembro celebrouse no alto da Gañidoira a Feira do poldro e do gando de monte de Muras. Nesta feira, ademais de venda de gando, celébranse carreiras e concursos morfolóxicos de cabalo de Pura Raza Galega e é un evento moi concorrido.
LIFE in Common Land acudiu a esta feira gandeira cunha caseta e coa exposición itinerante para dar a coñecer o proxecto, os valores da Serra do Xistral e a importancia das Comunidades de Montes e das actividades tradicionais para a súa conservación. O noso xogo de cartas serviu para mostrarlle aos máis pequenos cales son os hábitats e as especies emblemáticas da Serra do Xistral. Na feira non faltou a música, as hamburguesas de poldro e arte con motoserra.
Grazas ao Concello de Muras polo espazo e a súa axuda na organización.
